Police mu district ye Bulambuli mu bendobendo lya Elgon ekutte abaserikale baayo 3 nebaggalira, ebavunaana kwekobaana nebabba emmundu.
Abakwate kuliko Mwangusho Henry, Sgt Were Wilson abadde Mukama wa Mwangusho n’Omuserikale omulala atanaatuukirizibwa mannya, kigambibwa baakoze omupango babuzeewo Emmundu ekika kya AK 47 ng’ejudde amasasi naye nebalemererwa olw’ensonga ezitannamanyika.
Kizuuliddwa nti omuserikale Mwangusho nga aweerereza ku police ye Lusha yeyawandiisa Emmundu okugenda okukola, kyokka oluvannyuma naasalawo Emmundu agitereke mu nnyumba, era banne gyebaagigye nebabulawo nayo.
Mwangusho kigambibwa yakwatiddwa mu bwangu ddala, oluvannyuma lwa bakamaabe okumubuuza Emmundu weeri ng’amatama Ntengo, ebyaddiridde kukwaatibwa nassibwa ku mpingu,era nalonkoma banne bwebabadde mu mupango.
Omwoogezi wa police mu bendobendo lya Elgon Rogers Toitika alabudde abaserikale abazannyisa ebintu bya government nti bakikomye bunnambiro.
Bisakiddwa: Kato Denis