Ssaabapolice wa Uganda akyali omuggya Abasi Byakagaba akoze enkyukakyuka mu bukulembeze bwa police mwakyuusirizza abamu ku banene nebadda mu bifo ebirala, omubadde n’okusuumusa ababadde wansi.
Abadde Omwoogezi wa police Fred Enanga agiddwa ku kifo ky’omwogezi wa Police, kati mumyuka w’akulira police y’ensi yonna mu Uganda.
Fred Enanga kigambibwa asikiziddwa Rusoke Kituuma.
Kituuma yaliko omuduumizi w’ebikwekweto mu KCCA mu kisanja kya Ssenkulu eyawummula Jenifer Musisi Ssemakula.
Mu balala abakyuusiddwa Emmanuel Muhirwe agiddwa mu kitongole kya police ekivunaanyizibwa ku bakozi ki directorate of Human Resource Administration ,nga kati yavunaanyizibwa ku Nkambi za police zonna mu ggwanga.
SCP Christine Nanding agiddwa mu kitongole ky’ebyamateeka mu police, nazzibwa mu kitongole ekikwaasisa empisa mu baserikale ba police ki Professional Standards Unit.
Mungeri yeemu Suleiman Kirungi abadde ku katebe okumala ekiseera ekiwerako kyaddaaki Katonda amwanukudde ,kati yaakulira police yokumazzi.
Kinajjukirwa Fred Enanga okutuuka ku kifo ky’Omwogezi wa police omujjuvu yadda mu bigere bya Emilian Kayima mu 2019.
Emilian Kayima kati ali mu kitongole kya police ekikuba ebitabo, era awandiise ebitabo bingi ebikwata ku bumenyi bw’amateeka obwetoloolera ku kibba ttaka mu ggwanga.
Bisakiddwa: Kato Denis
