Parliament egaanye okuyisa ensimbi obuwumbi 200 ezaasabibwa ekitongole Kya UNRA okuliyirira abakozi baakyo abagenda okufiirwa emirimu ekitongole kino bwekinaaba kigattiddwa mu ministry y’ebyentambula n’enguudo
Ensimbi zino ekitongole ki UNRA kibadde kyaziteeka mu mbalirira yaakyo ey’omwaka gw’ebyensimbi oguggya 2024/2025.
Wabula parliament ng’esinziira ku alipoota y’akakiiko kaayo akalondoola ebyentambula ,ebizimbe n’emirimu egigasiza awamu abantu eyanjuddwa omubaka wa Kazo Dan Kimosho nga ye ssentebe w’akakiiko kano, egaanyi okuyisa ensimbi zino.
Mu mbeera eno, parliament esazeewo ensimbi zino ziteekebwe mu kusasula amabanja agabanjibwa ekitongole ki UNRA.
Government yayanjulidde parliament ebbago ly’etteeka mweyagala okuyita okukwata ekitongole ki UNRA ekiteeke .u ministry y’ebyentambula n’enguudo.
Parliament okugaana okuyisa ensimbi obuwumbi 200 ez’okuliyirira abakozi, ababaka bagambye nti tebasobola kwesigama ku nkola yakuteebereza, keerinde ebbago limale okwetegerezebwa olwo lweggya okusalawo
UNRA yaggalawo omwaka gwebyensimbi 2022/2023 nga ba kontulakita bagibanja ensimbi obuwumbi 591.#