Ebitongole by’omukago gw’amawanga amagatte ebya United Nations bitenderezza Uganda, olw’obuvumu n’obusaasizi bweyolesezza mu kulabirira n’okukwasizaako abanoonyi b’obubudamu, mu mbeera ey’obugubi n’okubonabona kwobuvujjirizi.
Ebitongole okuli ekya United Nations High Commission for Refugees, (UNHCR), neekya UNICEF, bigamba nti Uganda yeemu ku mawanga amatono ageewaddeyo okuduukirira n’okukiriza abanoonyi b’obubudamu wakati mu kusoomozebwa okwamanyi, n’amawanga agamu okulemererwa okuwa obweyamo bwago mu kulabirira abantu bano.
Abakungu mu bitongole bino okwogera bati, babadde ku mikolo gyokwefumintiriza ku lunaku lw’abanoonyi boobubudamu ejibadde mu nkambi ye Rhino esangibwa e Terego.
Bagamba nti wadde ebisoomoza bingi, naye Uganda efubye okukwasizaako ababundabunda.
Dr. Munir Safieldin, ssenkulu wa UNICEF ne Matthew Crentsil, ssenkulu wa UNHCR mu Uganda, bagamba nti ebitongole bino bisoomozebwa mu kufunira ababundabunda eby’obulamu, ebyenjigiriza, amazzi, obuyonjo nebirala.
Uganda erimu abanoonyi boobubuda 1,680,000, ngabasinga bava mu mawanga okuli South Sudan, DR Congo, Rwanda, newalala olwobutabanguko obuli mu mawanga ago.
Bagamba nti mu mwaka guno 2024, Uganda yalina okufuna obukadde bwa doola 858 muza Uganda ze Trillion 3 n’obuwumbi 174 n’obukadde 600, wabula nti ensimbi ezikola ebitundu 13% zokka zezaakafunikako.
Minister w’ebigwa tebiraze mu wofiisi ya ssabaminister wa Uganda Hilary Onek, ku lwa government ya Uganda, agambye nti bakwongera okubudamya ababundabunda abeetaga obuyambi ku baba beetaga nnyo okubeerwa
Bisakiddwa: Ddungu Davis
