Radio CBS etongozza Enkuuka Tobongoota eya 2023 egenda okubeerawo nga 31 December, mu lubiri lwa Kabaka e Mengo.
Okuyingira mu nkuuka wakusasula shs 15000.
Ssentebbe w’akakiko akateekateeka Enkuuka Tobongoota era nga yakulira eby’ensimbi ku CBS Chris Bajjabayira abadde ku mukolo gw’okutongoza enkuuka, n’agamba enkuuka y’omulundi guno yakwetabwako abayimbi bonna n’ebisanyusa njolo.
Enkuuka mwemubeera entikko ya Pulogulaamu Entanda ya Buganda eweerezebwa ku CBS 88.8 ng’abantu baddamu ebibuuzo ku nsonnga ez’enjawulo, n’ekigendererwa eky’okutumbula Olulimi oluganda n’obuwangwa bwa Buganda bwonna okutwalira awamu.
Omuwanguzi ye Muzira mubazira n’akwasibwa ekyapya ky’ettaka.
Omutegesi omukulu owe Enkuuka Tobongoota Abby Musinguzi amanyiddwa nga Abtex Promotions naye ategezezza nti ku mulundi guno balina ekyenjawulo kyebateegekedde banna Uganda mu nkuuka nga bakukisaabuukulula kwolwo olunaku lwa 31 December,2023 era asabye banna Uganda okujja mu bingi mu NKUUKA TOBONGOOTA
Enkuuka gw’emukolo ogumalako omwaka Ssabasajja Kabaka gweyasiima okubeera n’abantube okubayingiza omwaka omupya.
Ku mulundi guno enkuuka ewagiddwa MTN Uganda ,Samona ,BBS Terefayina ,Pepsi nabalala .
Bisakiddwa: Nakato Janefer
