President wa Uganda Gen. Yoweri Kaguta Museveni Tibuhaburwa kyaddaki alonze Abbas Byakagaba okubeera Ssabapolice wa Uganda omuggya, okudda mu bigere bya Martin Okoth Ochola.
James Ochaya alondeddwa okubeera omumyuka we, asikidde Maj.GenTumusiime Katsigazi.
Abbas Byakagaba azze mu bigere bya Martin Okoth Ochola, eyawaayo office eno oluvanyuma lwe kisanja kye okuggwako.
Tumusiime Kasitsigazi eyali amumyuka yabadde akolanga Ssabapolice.
Abbas Byakagaba abadde yawumula emirimu gya police, oluvanyuma lw’endagaano ye okuggwako netazzibwa buggya.
Mu kiseera kino agenze okulondebwa nga Ssaabapolice, nga Police erina okusomozebwa okwengeri ezitali zimu omuli emisaala egigambibwa okuba emitono naddala egy’abasirikale b’amadaala aga wansi, ensula ya basirikale eteeyagaza ,nga ne gyebuvuddeko olukiiko lwa police olwokutiiko lwagoba abasirikale abamu ku barracks n’ebirala.
Police era erimukusomozebwa olwa basirikale abamu okulumiriza abanene okufuna okwekomya ekittavu kyabwe, era Parliament yatuuka n’okulagira ekitavu kino kinonyerezebweko olw’emivuyo egyali giwulirwa, kati ekyebuzibwa ye Abbas Byakagaba oba anatereeza obumulumulu buno.
Ssaabapolice omuggya yoomu kubasirikale abamaze ebanga eddene mu police, era aweerezza mu bifo ebiwerak; yakulirako abakozi mu police, yakulirako ebikweekweeto, era yadduumirako police erwanyisa obutujju n’ebirala.#