Abatuuze be Nsango mu district ye Namayingo bakutte abbye Bodaboda No. UFU687 U nebamukuba emiggo egimusse.
Police ewaliliziddwa okukuba omukka ogubalagala okugumbulula abatuuze, wabula neremererwa okumutaasa.
Abatuuze babadde bakaawu nga bagamba nti bakooye obubbi mu kitundu, n’omulambo baguteekedde omuliro.
Mungeri yeemu ne ku kyalo Busige mu gombolola ye Namwendwa e Kamuli abatuuze basse gwebateeberezza okubeera omubbi w’ente Muzamil Mpala myaka 24, asangiddwa nayo ku kkubo nga busansaana.
Mpala aremereddwa okunyonyola gyabadde ava ne gyatwaala ente, nebamukuba okutuusa lw’afudde.
Sentebe we gombolola ye Namwendwa Pius Mugweri agamba nti Mpala bamutidde ku kyalo Bulogo, wabula anenyezza abatwalidde amateeka mu ngalo nagamba nti basaanye babatwale ku police bavunaanibwe, abatuuze kyebawakanyizza nti sikyakubayamba olw’ababbi ababamazeeko emirembe.#
