Abantu 6 bafiiridde mu kabenje akakudde ku luguudo oluva e Ntungamo okudda e Rukungiri, mmotoka ezibadde ziwenyuka obuweewo bweziremeredde abagoba bazzo ne zeetomera bwenyini ku bwenyini.
Akabenje kano kaguddewo ku ssaawa kumi nabbiri ezokumakya.
Emmotoka ekika kya Toyota Hiance No.UBN 337H ne bus No. UAP 385U kika kya Isuzu eya kampuni ya Kasaaba.
Police egamba nti byeyakanoonyerezawo biraga nti mmotoka No. UBN 377H ebadde eva e Rukungiri okudda e Ntungamo bweyabise omupiira, ddereeva waayo nagizza ku mabbali g’oluguudo, naye n’alekamu amataala gonna nga gaaka.
Bus No. UAP 385U ebadde eva e Kampala ng’edda e Rukungiri evudde ku luguddo negitomera, era abantu 6 abagibaddemu bafiiriddewo okuli ddereeva, kondakita saako omusirikale wa police abadde akolera ku police ye Nsangi.
Abasirikale ba police y’ebidduka mu kitundu ekyo bayitiddwa nebaddusa abawonyeewo mu kalwaliro ka Devine Health centre ne Ntungamo specialist medical centres.
Abafudde batwaliddwa mu ddwaliro lya Rwashameire health centre iv okwongera okwekebejjebwa, ate mmotoka ezikoze akabenje zikuumibwa ku police ye Ntungamo.
Omwogezi wa police ye bidduka Micheal Kananura agambye nti okunonyereza kukyagenda maaso okumanyira ddala ekivuddeko akabenje.#