Entiisa ebutikidde abatuuze ku kyalo Mayinja Buwangwe mu gombolola y’eBusamuzi mu bizinga eby’eBuvuma abaana babiri omuliro gubookedde mu nnyumba, bafuuse bisiriiza.
Enjega eno yabaddewo ku ssaawa nga ssatu n’ekitundu mu kiro, Jajja bwe abadde agenze ku nsiko eriraanye ennyanja okwetaawuluza, mu njogera ey’ekivubi eyakazibwako Mabanga, olw’obutaba na kabuyonjo ku kitundu kyonna.
Omu ku batuuze mukitundu ekyo Omusumba Biyinzika Charles ategezeza nti ng’abatuuze bagezezaako okutaasa abaana bano okuli ow’emyaka 8 n’owe 5, wabula balemereddwa olw’ennyumba eyabadde yaserekebwa n’ebitoogo okubuubuuka ennyo abaana nebagiiramu.#
