President wa Uganda Gen Yoweri Kaguta Museveni asanyukidde obubaka bwabannaddiini obw’amazuukira g’omwaka guno 2024, obwetoololedde kuvumirira enguzi n’obulyake ebyafuka bannabaliwo mu bakungu ba government ne bitongole byayo ebisinga obungi.
Bagamkyebagambye nti ezingamizza enkulakulana ye ggwanga.
Bannaddini ewatali kweyawulamu mu basinzizzo agasinga obubaka bwabwe bwetololedde ku vumirira nguzi eyafuka ensonga mu Uganda naddala mu bakulembeze ku mitenddera gyonna, era nebasaba abalina obuyinza okubaako kyebakola okutaasa eggwanga.
Mu bubaka bwa Easter omukulembeze we ggwanga Gen.Yoweri Kaguta Museveni bwaweerezza ng’asinziira mu maka ge Rwakitura naye asabye bannaddiini okusigala nga bavumirira enguzi okulaba ng’eggwawo.
Abengirira mu kulya enguzi president Museven abayise biwuka ebitaagaliza ggwanga nkulakulana, era abakyakuumidde Uganda emabega.
Museveni mu bubaka bwe agambye nti okuviira ddala mu mwaka 1960 azze yenyigira mukulwanyisa enguzi okuyita mu enteekateeka eziweerako, wabula ekyalemeddeko, kwekusaba bannaddini okumuyambako okumalawo ekizibu kino.
Gen Museveni agamba nti lutalo lw’okulwanyisa enguzi, government ye yasaawo ba District Commissioners, County Chiefs,Gombolola Chief ne ba parish chiefs okubeera abasirikale abasooka mukulwanyisa enguzi okuvira ddala mu bitundu byabwe.
Wabula agamba nti enkola eno tekozeseddwa bulungi bakulembeze abo okulwanyisa enguzi.
Mungeri yemu Museveni ategezezza nti ababaka ba president mu bitundu ( RDC) bakwatibwako buterevu okubuuza akaananakato ba CAO,n’abakulembeze abalala engeri gyebakwatamu ssente za government ezibawebwa okukola emirimu.
Agambye nti RDC obuvunaanyizibwa obwo balabika baabuvaako dda nebadda mu kunonooza ebirala, nagetegeeza nti kye kiseera minister w’ensonga za president amutegeeze oba obuvunaanyizibwa bwabwe baabusuulawo abafumule ebirala eby’okukola.
Bannadini Museveni abasabye era okunnyikiza enjiri eyenkulakulana mu bantu bebasumba n’okubakubiriza okwetanira program za government zonna basobole okwekulakulanya.#