Kkooti ya Mwanga II e Mengo, enywezezza n’okukoona stamp mu kiwandiiko ekikakasa abaana 4 nti omugenzi Prince Job Paul Kafeero Maanyiganjegere beyazaala okuva mu ntumbweze.
Paul Kafeero eyali nakinku mu kuyimba ennyimba za Kadongokamu yafa mu mwaka gwa 2007.
Abaana abakakasiddwa kuliko Kafeero Thomas amanyiddwanga Swazi Niga, Nagawa Elizabeth ,Kafeero Bendicto amanyiddwanga Dube ne Kafeero Simon Peter.
Kkooti esinzidde ku alipoota ekoleddwa ekitongole kya government ekyekebeggya ebizibiti n’endaga lusse ki Government Analytical Labarotory wamu ne police ya Uganda, ng’ eweereddwa omulamuzi omukulu owa kkooti eno ento eya mwanga II magistrate court, Doreen Ajuna.
O Government Analytical labarotory wamu ne police yeggwanga ,bifulumiza ebyava mu kwekebeggya endagaluse z’abaana abawerera ddala 25, ababadde bagambibwa nti ba mugenzi Prince Job Paul Kafeero, wabula oluvannyuma lw’okubakebera DNA kuzuuliddwako abaana 4 bokka nti Paul Kafeero beyazaala.
Abaana abo abakakasiddwa, bannamateeka baabwe , police n’abakulu mu kitongole ki government Analytical Labarorty oluvudde e Naggulu ku kitebe kya Police ewafulumiziddwa ebyavudde mukwekebejja endagaluse, boolekedde mu kkooti ya Mwanga II ew’ Omulamuzi abadde ewuliriza ensonga z’omusangu ogukwata ku nkayaana mu baana, okukakasa ebyo ebivudde mu kunoonyereza
Derick Namakajjo munnamateeka wabaana bano abakakasiddwa, agambye nti bakuwandiikira kkooti yeemu eno eya Mwanga II ebbaluwa, bagisabe ewe abaana abo 4 abakakasiddwa Certificate ezibatongoza nti bebaana abatuufu abomugenzi
Oluvanyuma lwa kkooti n’ebitongole bya government okukakasa abaana 4 bokka, enteekateeka nti zitandiise okukolebwa abaana bano nabooluganda lw’omugenzi Kafeero okuteekateeka okumwabiza olumbe, nga n’omwana abadde agambibwa okuba nti ye musika DNA zamuwandudde nti ssi wa Kafeero.#
