Olukiiko olukulira ebyokwerinda mu District ye Lwengo lusazeewo okugoba n’okuwera ebyuma byonna ebya Zaala ebimanyiddwa nga eby’Abayindi mu ggomboloa ya Lwengo Rural, olw’obubbi obwabbuli ngeri okweyongera ate nga bwenyigwiramu n’abaana.
Mu lukiiko olw’ebyokwerinda olwetabiddwamu RDC Haji Ramathan Walugembe, DPC, DISO n’abalala, akulira eby’okwerinda mu ggombolola ya Lwengo Rural era nga ye Ssentebe waayo Kizito Lawrence agambye nti ebyuma bino bibadde bireese obubbi bungi mubkitundu naddala obw’okumenya amayumba, amaduuka, obubbi obw’ebisolo awamu n’ettemu.
Kizito Lawrence agambye nti n’ekirala abaana abaali wakati w’emyaka 6 – 10, bangi eby’okusoma babadde tebakyabirowoozaako nga basiiba bazaanya zzaala ku byuma.
Okuziyiza emize emirala okubalukawo basazeewo ebyuma byona okubiwera n’okubigoba mu ggombolola, era balagidde ba Ssentebe bebyalo n’abali mububuga okulondoolola ensonga eno.
Bisakiddwa: Jimmy Ssekabiito
