Abantu 2 abatanayatuukirizibwa mannya bakwatiddwa ku bigambibwa nti bandiba nga balina kyebamanyi ku ttemu ly’emmundu eryakoleddwa e Buddoku luguudo oluva e Kampala okudda e Masaka.
Ettemu lino lyabaddewo ku ssaawa nga bbiri ez’ekiro, abazigu abaabadde batambulira ku pikipiki bwebaasindiridde amasasi mu mmotoka ya buyonjo No. UAK 375 U nebattiramu omusajja, amalala gaakutte omukyala eyabadde emabbali g’oluguudo.
Zaria Nalumansi Kironde eyattiddwa mutuuze we Katende, so ng’omusajja eyattiddwa mu mmotoka naye tamanyiddwa bimukwatako.
Abakwate bakuumibwa ku police ye Nsangi, nga police n’amagye bwegagenda mu maaso n’okunoonyereza ku ttemu lino.
Wabula wadde omusajja eyakubiddwa amasasi yasangiddwa ayambadde ekyambalo ekyefaanaanyirizaako ekya UPDF, omwogezi wa UPDF ow’ekibinja ekisooka Col. Charles Kaboona agambye nti bakyanoonyereza wabula ku byebaakafunawo, biraga nti ssimusirikale.#
