President wa Uganda Gen. Yoweri Kaguta Museveni Tibuhaburwa alonze obukulembeze obuggya obwa kkooti yámagye, naalonda Brig Gen Tukachungurwa Richard okubeera omulamuzi omukulu owa kkooti eyo.
President yeesigamye ku nnyiingo eye 192, 193 ne 195 ezétteeka eppya eryámagye ga UPDF okulonda obukulembeze bwa kkooti eyo, era mu kiwandiiko kyáfulumizza agambye nti byonna okubikola asoose kwebuuza ku kakiiko akakulira emirimu gyábalamuzi aka Judicial Service Commission.
Mu nteekateeka yeemu president era alonze ba member abajjuvu abatuula ku lukiiko olutambuza kkooti eyo, kuliko:
– Col Wankandya Simon Tusah
– Col Asha Patra
– Col Kangwamu Fredrick
– Mugisha Raphael
– Lt Col Igambi Muhammed Nasser
– Maj Amodoi Samuel Moses
– Maj Arihaihi Emmanuel
– Maj Nyombi Abubaker
– Maj. Chemutai Dennis
Abalala abalondeddwa ye Lt. Col Drani Epalu David ágenda kukulira kkooti eyékibinja ekyókuna,
Col Mulyanti Yakub Hassan yákulira kkooti ya Special Forces Command.
Bisakiddwa: Betty Zziwa
