President wa Uganda Gen Yoweri Kaguta Museveni asazizaamu ekiragiro kyómuteesiteesi omukulu owa ministry ye byénsimbi, ekyokugoba Geraldine Ssali Busuulwa omuteesiteesi omukulu mu ministry y’e byobusuubuzi.
Omuteesiteesi omukulu mu ministry ye byénsimbi Ramadhan Goobi ng’asinziira ku alipoota y’akakiiko ka parliament akavunanyizibwa ku by’obusuubuzi yayimiriza Geraldine Ssali obutaddamu kukola mulimu gwonna ogukwata ku byensimbi za ministry, oluvanyuma lwa alipoota eno okulaga nti aliko ensimbi zeyawuwutanya mu kiseera kyokuddabiriza ekizimbe kya Farmers house ekisangibwa ku parliamentary avenue awasangibwa office za ministry eno.
Mu bbaluwa ewandiikiddwa Lucy Nakyobe akulira public service era nga ye muwandiisi wa cabinet, ng’eriko ennaku z’omwezi 26.October, 2023, eraga nti president yalagidde Geraldine Ssali addizibwe obuvunanyizibwa bwe mu bujjuvu, nti kuba ye president talabawo nsonga kwasinziirwa kumuyimiriza.
Ebbaluwa eno ezze ku bbaluwa ya president gyeyawandiika nga 22 October, 2023 bweyalagira Geraldine Ssali adde mu office ye mu bwangu.
Mu zimu ku nsonga ezavunaanibwa Geraldine Ssali bamulumiriza okukozesa obukadde 400 okusengula ebiwandiiko okubitwala e Ntebe ekintu kyeyegaana, nga agamba nti ye yakozesa obukadde 59, nebamulumiriza okuddumuula ensimbi z’okuddaabiriza office zino okuva ku buwumbi 3.1 okudda ku buwumbi 6.2 ekintu kyeyegaana nga agamba nti abasooka okubala baagatta bubi.
Geraldine Ssali yategeeza nti kyeyakola yali ataasa nsimbi zamuwi wa musolo ezaali zigenda okupangisa office songa baali betaaga ensimbi ntonoko okuddaabiriza kati webakolera.
Bisakiddwa: Wasajja Mahad