Ministry ya Kampala ewanjagiddde essiga eddamuzi okuwuliriza emisango gy’ebyokulonda egisoba mu 200 egyawawabirwa ba kansala abakiiika ku nkiiko za KCCA ezenjawulo, okuli olwa city hall n’enkiiko zaba kansala ezamagombolola agakola ekibuga.
Ministry eno yayimirizza ba kansala abali eyo mu 200 ababadde bateekateeka okwewola ensimbi okuva mu bank ezenjawulo nga besingayo omusaala gwabwe, nga kino kyakoleddwa okutaasa government okuggwa mu mabanja.
Minister omubeezi owa Kampala Christopher Kabuye Kyoffatogabye agambye nti ministry yabadde tesobola kukkiriza ba kansala abalina emisango gy’ebyokulonda okwewola, nti kubanga ebinaava mu misango guno tebimanyiddwa.
Minister Kabuye Kyoffatogabye agambye nti okuggyako nga kkooti zisase eggoye ku misango gino, ba kansala abalina emisango SSI bakukkirizibwa okwewola nga basinzeeyo misaala gyaabwe okuva mu government, okutaasa eggwanga okugwa mu mabanja singa obuwanguzi bwabwe busazibwamu
Minister Kyoffatogabye asabye essiga eddamuzi liwulirize emisango gino give mu ddiiro.
Ministry ya Kampala okuyimiriza ba kansala abo okwewola, kijjidde mu kiseera nga era ministry yeemu, yayimirizza ba kansala abalina enteekateeka z’okugenda ebweru w’eggwanga okukuba ekyeyo.
Emyaka egiyise, ba kansala bangi babadde baddukira mu mawanga okuli Canada, America ,amawanga gabawalabu okukuba ekyeyo oluvanyuma lwokuwangula akalulu.
Abalala babadde bafuna looni mu banka, nebasingayo omusaala gwaabwe olwo nebadduka, ministry ya KCCA ku mulundi guno oluvannyuma lw’akalulu ka 2026 yabigaanye.#
