Omusomesa afiiriddewo n’abayizi nebalumizibwa mu kabenje akagudde ku kyalo Namumira mu district ye Mukono, eggaali y’omukka bwetomedde Bus ebadde essaabaza abayizi abagenda okulambula mu bitundu bye Jinja.
Abayizi abakoseddwa ba ssomero Mwebaze High School erisangibwa e Kakiri mu district ye Wakiso.
Camera z’okunguudo ziraga nti akabenje kaguddewo ku ssaawa kkumi nabbiri n’eddakiika 33 ezokumakya.
Waliwo omusirikale ayimiriza bus eno No.UAU 123Q okusobozesa eggaali y’omukka okuyitawo, wabula bus teyimiridde eggaali y’omukka nejitomera mu mbiriizi neegwa.
Omwogezi wa police y’ebidduka Michael Kakanura, agambye nti omusomesa omukyala afiiriddewo, ate abayizi abakoseddwa baddusiddwa mu ddwaliro okufuna obujjanjabi.#
