Paapa Leo XIV ayiimbye Missa ye esookedde ddala nga Paapa ng’ali ne Bakaliddinaali abaamulonze mu Sistine Chapel.
Paapa abadde ayogera mu luzungu n’olulatini agambye nti mwetegefu era muvumu okukulemberamu ekelezia w’omukama, nga ba kaliddinaali bwebamuyambako okwetikka omusaalaba.
Ajjukizza ba kaliddinaali n’abakristu bonna nti awatali kukkiriza tewali bulamu, n’olwekyo balina okubeera abakkiriza byonna nebituukirira.
Paapa Leo XIV abuulidde Bakaliddinaali nti wakyaliwo abantu abatwala okukkiriza nti kw’abanaku, abalemereddwa, abasobeddwa naabo abalina ebizibu ky’agambye nti ekikyaamu ddala.
Mu ngeri yeemu eklezia mu Uganda etegese ekitambiro kya missa ekikulembeddwamu Ssaabasumba wéSsaza ekkulu erya Kampala Paul Ssemogerere ku Lutikko e Lubaga, okusabira Paapa omuggya, nókwebaza katonda eyalungamizza ba Kaliddinaali okulonda omusika wa Petero era Omulangira wa Eklezia.
Ssaabasumba era yeebazizza banna mawulire olwókumanyisa banna Uganda ku mawulire gonna agakwata ku Paapa okuva Paapa Francis lweyafa okutuuusa ekeleziya lwefunye paapa omuggya, nga kino banna mawulire bakikoze mu ngeri etatyoboola Ekeleziya.
Ekeleziya Katolika era etenderezza aba kurisitu naabenzikiriza endala olwómwoyo gwóbumu gwebalaze Ekeleziya oluvannyuma lwókufa kwa Paapa Francis.#
