Omuwendo gw’abantu abakakasibwa nti baafiiridde mu kubumbuluka kw’ettaka mu bitundu bye Sebei, gwongedde okulinnya okutuuka ku bantu 19.
Enkuba eyafudembye mu district ye Kween,Kapchorwa ne Bukwo yaviiriddeko ettaka okubuumbuluka neriziika ennyumba z’abatuuze.
Omuyiggo gw’okuyiikula abantu abaaziikiddwa ebifuunfugu gukyagenda mu maaso, kati ennaku 5 eziyiseewo.
Government yaweerezza ekibinja ky’abajaasi b’eggye ly’eggwanga erya UPDF okwongera okukwasizaako abatuuze, Uganda Red-Cross Society ne police ababadde ku muyiggo.
Okukosebwa okw’amaanyi kwali ku kyalo Kwanwa, era minister omubeezioweebigwa tebiraze mu wifiisi ya ssabaminisita, Lillian Aber agambye nti president Museveni yalagidde abantu bonna abaafiiriddwako ababwe, baweebwe obukadde bwa shs 5 buli maka.
John Cliff Wamala, ayogerera ekitongole ekiduukirira abagudde mu buzibu ekya Uganda Red-Cross n’abadduukirize abalala okwetegereza embeera naddala okufunira abaakoseddwa emmere, amazzi amayonjo, nebyokwebika.#
