Omuyimbi Daniel Lubwama Kigozi amanyiddwa nga Navio ng’ali wamu ne Pastor Wilson Bugembe bafulumizza oluyimba olupya balutuumye WOOLI
Oluyimba luno lulimu okwebaza Katonda olw’emyaka egisoba mu 20, Navio gy’amaze mu nsiike y’okusanyusa abantu.
Oluyimba WOOLI lutongezebwa nga 02 September,2023 ku Sheraton hotel.
Ezimu ku nnyimba endala zaalimbye: Bugumu (2008), Nawuliranga(2013), Njogereza(2017),Kyekyo(2020), Wooli (2023) n’endala.
Bazadde ba Navio ye munnabyanfuna Dr.Maggie Kigozi n’omugenzi eyali engineer Daniel Sserwano Kigozi.
Navio okuyimba yakutandika mu 2000 nga wamyaka 16 , ne banne abalala 4 bwebaatandika ekibiina kyabwe kyebaatuuma Klear Kut nga bayimba nnyimba za Rapper.
Mu Klear Kut mwebaayimbira oluyimba lwa All wana know. Luno bayambibwako n’omuyimbi Juliana Kanyomoozi.
Oluvannyuma Klear Kut yasaanawo banne eby’okuyimba bwebaabivaamu, Navio n’asigala ng’ayimba yekka.
Nabio yoomu ku bayimbi abali mu kibiina kya One8 ekirimu abayimbi abalala abava mu mawanga ga Africa ag’enjawulo.
One8 mulimu:
Navio (Uganda)
2Face (Nigeria)
Fally Ipupa (DRC)
Movaizhaleine (Gabon)
JK (Zambia)
Ameni( Kenya)
Ali Kiba (Tanxania)
Navio ne banne aba One8 bebaayimba oluyimba lwa Hands across the world olwayiiyizibwa omuyimbi ow’erinnya mu nsi yonna R.Kelly n’ennyimba endala.#