Ekitongole kyeggwanga ekikettera munda mu ggwanga ki Internal Security Organisation ISO kiri mu nteekateeka ey’okuwandiisa ba mbega abalala,okwongera kwaabo abaliwo.
Ba mbega bano bayambeko okukettera n’okuwa ebitongole by’ebyokwerinda amawulire, gebesigamako okulwanyisa obumenyi bw’amateeka obweyongedde mu ggwanga.
Obumenyi bwamateeka obunokoddwaayo ekitongole kino, kuliko obuttujju, obubbi, obuli bwenguzi mu bitongole bya government ,obunyazi bw’ente, obufere obukolebwa ku mitimbagano n’obumenyi bwamateeka obulala.
Okulwanyisa obumenyi bw’amateeka buno, ekitongole kino ki ISO kyagala okuwandiisa ba mbega abawerako mu Kampala nebitundu ebiriraanye Kampala ,ebibuga, munisipaali n’obubuga obutonotono, nebitundu ebirala.
Mu mbeera eno, ekitongole ki ISO kyetaaga obuwumbi bwa shs 140 okuwandiisa ba mbega abalala yadde omuwendo gw’abagenda okiwandiisibwa tegulambuluddwa
Embalirira y’ekitongole ki ISO ekyali mu bubage, ey’omwaka gw’ebyensimbi 2024/2025, kyabadde kyala obuwumbi bwa shs 140, wabula kyabadde kiweereddwa 97.
Wabula akiiko ka parliament akalondoola ensonga zobwa President akeekeeneenya embalirira y’ekitongole ki ISO, kalagidde government eyongere ISO obuwumbi obulala 41 kiweze obuwumbi 138.#
