Government yetondedde bannaUganda abasumbuyibwa ekizikiza olw’amasanyalaze agavavaako buli kadde, wabula neebasuubiza nti ekizibu kino kigenda kukolebwako mu bwangu ddala.
Minister wa Masanyalaze neby`obugagga eby`omuttaka Dr Ruth Nankabirwa, abadde mu lukuηaana olw’ekitongole ekivunanyizibwa mu kubunyisa amasanyalaze mu ggwanga ekya Uganda Electricty Distribution Company ltd, naategeeza nti bwebaakyusa obuvunanyizibwa bw’amasanyalaze okubuggya mu kitongole kya UMEME okudda mu kya Uganda Electricity District Company Limited, emirimu givadde gitambula kasoobo.
Dr Ruth Nankabirwa agamba nti okusoomozebwa kwebakyalina okw’amaanyi y’engeri eyakasobo abakozi ba UEDCL gyebakolamu emirimu okuzzaako amasanyalaze mu bitundu gyegaba gavuddeko.
Minister era obuzibu obulala abutadde ku bannauganda ababaguza ebintu ebitatukanye na mutindo, ebyeyambisibwa mu kutambuza amasanyalaze.
Agambye nti kati UEDCL ketegedde obuzibu obujisomooza ate ng`efunye n`obukulembeze obupya, bajiragiidde ebizibu bino ebikoleko bunnambiro, bannansi bawone okubeeranga mu kibululu.
Ategezezza nti enkyukakyuka eyakoleddwa mu kitongole yakoleddwa lwakulongosa mirimu, wabula nalabula n’abakozi abalala abebakira ku mirimu mu kitongole kino, nti nabo bakufuumulwa ate baweebwe ne’bibonerezo ebikambwe.
Akolanga Ssenkulu w’ekitongole kya government ekivunanyizibwa ku masanyalaze ki Uganda Electricity Distribution Company Limited (UEDCL) Eng. Joselynne Rwakakooko eyakalondebwa mu kifo kino naye akoze ekyukakyuka mu bakozi mwawummuliza abamu, naalonderamu abalala.
Government wiiki emu emabega ewedde yeddiza obuyinza bw’ekitongole kino, era negoba eyali senkulu wakyo Paul Mwesigwa, n’eyali ssentebe wa board Lydia Ochieng Obbo .
Mukyukakyuka Rwakakooko zaakoze alonze abantu 8 okudda mu bifo okuli eky’ebyensimbi, eky’abakozi ,omubalirizi w’e bitabo,n’ebyekikugu ebirala.
Sylver Hategekimana alondeddwa okukola nga Chief Engineering and Technical Services , Isaac Katewanga okukolanga Chief Commercial Officer , Samuel Omoding yagenda okugira nga akulira abakozi ate Stephen Lungole nga yayogerako ekitongole kya Umeme, alondeddwa ng’omukwanaganya wa UEDCL n’amakampuni amalala.
Abalala abalonddeddwa ye Nickson Ahabwe yakolanga omumyuka w’omubazi w’ebitabo, Richard Opiyo wa bya technology, Francis Ddamulira akolanga akulira eby’okusaba emirimu gya government, saako Christine Atuhaire agenda kumyuka akulira abakozi n’abalala.
Batandikiddewo obuwEereza bwabwe okulaba nga baterEeza ekitongole kino.
Akolanga senkulu omuGgya Rwakakooko asabye abalonddebwa bonna okuwEereza n’obwesimbu bakolere wamu okukyusa ekifaananyi ky’ekitongole ne ggwanga lyonna okutwalira awamu.
Bisakiddwa: Musisi John
