Abamegganyi Kisomose Ssegawa eyafunye obugoba 26 ne Nnassiwa Pross eyafunye obugoba 21 basuumusiddwa okugenda mu lumeggana oluddako olwa Program Entanda ya Buganda ate Bbanja Steven eyafunye 17 yawanduse.
Biibino ebibuuzo by’entanda ebyababuuziddwa nga 21. November,2023.
1. Tuwe ekintu kimu ekisookera ddala okweyambisibwa mu kwogeza omuzimu oguba gugaanye okwogera – Bagunyookeza kawunyira
2. Ani yawandiika ekitabo Gattimpa Gatimpule – Stefano Busuulwa
3. Olugero: Alya abyamukama we nga tasenguse – Taba mubbi
4. Tuwe akalombolombo ka Ssekabaka Ssuuna II akamanyiddwa? – Kabaka butaddamu kulaba ku nnyina
5. Tuwe amakulu g’ekigambo Okulumisa omuntu ekivu – Okuttisa omuntu emmundu
6. Mu 1969 Kabaka Edward Muteesa II lweyava mu nsi muno, waakayitawo emyaka emeka – 54
7. Ani Nnaalinya wa Kabaka Ronald Muwenda Mutebi II? – Nnaalinnya Agnes Nabalago
8. Tereeza ssentensi, Bagenze kusala ssubi – Bagenze kujjira ssubi
9. Mu lulimi oludda ku mpewo, waliwo omuzimu oguyitibwa Katawadda, gwegutya? – Gwemuzimu omukadde ennyo
10. Ani yawandiika ekitabo Eddaame lya Nsimbi? – Dan Kyagaba ne banne
11. Olugero: Nakuddamu ntya jjo – Bwakusiba akunyweza
12. Ekimera ekyasibukako erinnya Nnamasole okubeera nnyina wa Kabaka – Ekiggamansole
13. Amakulu g’ekisoko, Okukwata mu gabuguma – Okulya emmere y’amatooke
14. Kabaka Ronald Muwenda Mutebi II alina embiri bbiri mu Buddu, ze ziriwa? – Nkoni ne Lukunyu
15. Tereeza ssentensi, Bagenze kukungula bulo – Bagenze kukesa bulo
16. President Amiini yawambibwa 1979, waakayitawo emyaka emeka? – Emyaka 44
17. Omuzimu gunyokezebwa ddi ne kaamulali okusinziira ku nnono y’Abaganda? – Bweguba gugaanye okwogera
18. Ani yawandiika ekitabo Luganda Proverbs? – Wolsa
19. Olugero: Omukulu atava ku nte – Y’aziza abaana ennyama.
20. Nnamasole ye maama wa Kabaka, tuweeyo amannya amalala abiri – Nnabijjano, Kanywabbumba
21. Omuntu okuba nga tasiba zikweya kisoko, kitegeeza ki? – Omuntu atasaagirwako
22. Enjole ya Ssekabaka Muteesa II yakomezebwawo mu Buganda mu 1971, gye myaka emeka? – 52
23. Ssaabasajja Ronald Muwenda Mutebi II ani gweyasooka okukwasa Ddamula? – Owek. Joseph Mulwanyammuli Ssemwogerere
24. Tereeza ssentensi, Tuva kukungula muwemba – Tuva kusala muwemba
25. Tuwe emigaso ebiri egyamazzi ng’ekyobuwangwa – Tugafumbisa emmere, gakozesebwa ku mikolo gy’obuwangwa
26. Tuwe erinnya eddala Omuganda lyeyawa Enkoko sseggwanga – Walukagga
27. Olugero: Toba ggwe – Wewawonerwa
28. Leeta ekisoko ekigya mu mboozi eno, Mugoziita yayise ebibuuzo bye – Yabikubye oluku mu mutwe
29. Enkuku ensiru y’etya? – Egg
30. Okusala amayira kitegeeza ki? – Okweraliikirira
31. Enkulukuku eyitibwa ddi entawumba? – Ssinga tugissaamu abalongo ababuuse
32. Tuwe erinnya ettongole eriweebwa ekintu Lubaale Muwanga mwakolera – Engatto
33. Ekipimo omukyala mwapimira omukeeka gwaluka? – Bifuba
34. Olugero: Emitala emirulumi – Gisengwa na birembeezi
35. Ebisige ebikula nga bitono nnyo Omuganda yabiwa linnya ki? – Byamunguuba
36. Ekisoko; Emiriro okunyooka kitegeeza ki? – Gaba masasi
37. Omwenge gwa lubaale Nnakayima guba gwangerii ki? – Mata
38. Waliwo Kabaka eyazaalira Buganda atalina mikono na magulu, yaani? – Ssekabaka Kayemba
39. Embuzi enkazi eweebwa linnya ki? – Nnakabege
40. Mu mpisa y’abalimi b’entungo mulimu ekikolwa ky’okugisera, kikolwa ddi? – Nga baakamala okusimba entungo
41. Okusuulayo akayinja, kisoko kitegeeza ki? – Okuyita awantu nga toyagala bakulabe
42. Olugero: Okulwawo – kukusabisa mukazi wo gonja.
43. Endokwa ey’omutuba eroka okuva ku mulandira eyitibwa guta- Nnanda.
44. Erinnya ly’ekifo ekitongole omusangibwa embuga ya lubaale Ddungu? – Mabira
45. Abaganda bawanuuza nti emabega w’ekiswa wabaayo ensolo, Omuganda yagiwa erinnya ettongole, lyeriwa? – Akabuuya.
Bitegekeddwa: Kamulegeya Achileo K