Omuntu omu afiiriddewo n’abalala abasukka mu 20 nebaddusibwa mu ddwaliro e Iganga nga bataawa, mukabenje akazingiddemu emmotoka 5 ku kyalo Butende ku luguudo oluva e Iganga okudda e Bugiri.
Emmotoka Kamunye bbiri namba UBN 687V, UAN 776, Lorry Tata namba UBB 475 B nendala zitomereganye ku saawa nga 4 ezekiro.
Kabangali za police ne Ambulance ziyambye okusomba abakoseddwa okubaddusa mu ddwaliro e Iganga.
Omwogezi wa police mu kitundu ekya Busoga East SSP Diana Nandaula agambye nti tebanamanya kituufu kivuddeko kabenje kano, bakyalinda abakoseddwa basuukemu bababuulire ekyabaddewo.
Bisakiddwa: Kirabira Fred