Bannabibiina by’obufuzi ebiri ku ludda oluvuganya government ya Uganda beetabye mu kusaba okwenjawulo, nga bakuza amazaalibwa ga Dr.Kiiza Besigye munnakibiina kya People’e Front for Freedom, ali mu nkomyoku misango gy’okusekeeterera government.
Ssabawandiisi w’kibiina kya PFF era omubaka wa Kira Municipality Ibrahim Ssemujju Nganda agambye nti balemeseddwa enfunda eziwera okutegeka okusaba ku mu masinzizo ag’enjawulo, kyebavudde basalawo okukutegekera ku kitebe kyabwe ekisaangibwa ku Katonga road mu Kampala.
Ssemujju agambye nti kikwasa ennaku nti mu Uganda abatemu emisango gyabwe jiwulirwa mangu era nebaweebwa ebibonerezo ,naye bwegutuuka ku banna byabufuzi abavuganya government egyabwe gyikandalirira nebamala emyaka mu makomera nga tebasalirwa.
Dr. Kiiza Besigye ne munywanyi we Obeid Kamulegeya baakwatibwa mu November wa 2024 mu Kenya, ku bigambibwa nti baali batuuza enkiiko ezigenderera okusekeeterera n’okusuula government ya Uganda.
