Kamalabyonna wa Buganda Charles Peter Mayiga awadde bannabitone ku mitendera egyenjawulo amagezi, bafuule ebitone byabwe Omulimu ogujjudde, mu kifo ky’Okulowooleza mu kucamula Obucamuzi abantu.
Abadde asisiinkanye Omuyimbi Sophie Nantongo eyeetegekera ekivulu kye nga 2 May,2025 ku Serena Hotel mu Kampala.
Katikkiro agambye nti Okuyimba kwava dda ku mutendera gw’Okusanyusa obusanyusa abantu ,nekudda ku kusomesa eggwanga ebiritwala mu maaso.
Katikkiro ajjukizza abantu ba Kabaka abakakaalukana mu ngeri ezenjawulo okufunaangayo obudde bewummuze ku birowoozo, bazze buggya Obwongo nga bafuna essanyu.
Minister w’Abavubuka Ebyemizannyo n’Ebitone Owek Robert Sserwanga Ssalongo, ategeezezza nti Obwakabaka bwongedde amaanyi mu kuwagira abayimbi ne Bannakatemba, kyokka naabasaba okwongera okukuuma empisa n’Obuntubulamu.
Sophie Nantongo yebazizza Obwakabaka olw’Okumanya Amaanyi ga Bannabitone , Okubalambika n’Okubawa Amagezi ku nkola y’Emirimu obutakowa ne yeeyama Obutaswaaza Buganda ne Uganda.
Bisakiddwa: Kato Denis
