Abantu 4 bafiiriddewo mbulaga mu akabenje agudde ku kyalo Nakkazi e Luweero ku luguudo oluva e Kampala okudda e Gulu ku ssaawa kkumi neemu nga bukya.
Abantu abafudde 4 n’abalala 6 abalumiziddwa babadde batambulira mu Taxi No. UBG 392L,ebadde eva Ggulu eyingiridde loole etategeerekese namba ebadde eyingira ekkubo ng’edda kyenyumanyuma.
Dereeva wa loole ekoze akabenje ataddeko kakokola tondeka nnyuma era police emuyigga.
Omwogezi wa police e Luweero Sam Twinamazima agambye nti ddereeva wa taxi Moses Kitatta ow’emyaka 42 omutuuze we Wobulenzi yoomu ku bafudde.
Conductor wa taxi asimattuse era ategeezezza nti naye tategedde kabenje kwekavudde, wabula nagamba nti obukoowu n’otulo byandiba nga byebivuddeko obuzibu.#
Bisakiddwa: Taaka Conslata
