Akakiiko kebyokulonda kalangiridde ennaku zomwezi 24 June,2026 olw’okuddamu okulonda okujjuza ekifo ky’omubaka omukyala owa district ye Kalangala.
Hellen Nakimuli eyali omubaka wa district eno yafa mga 19 April,2026.
Enteekateeka eno eyanjuddwa mu nsisinkankano ebadde e Kalangala ku kitebe kya district, wakati w’abakulembeze ba district, omubadde ab’ebyokwerinda n’abakulembeze b’akakiiko kebyokulonda abakulembeddwamu ssentebbe waako omulamuzi Simon Mugenyi Byabakama.
Okusinziira ku nteekateeka efulumiziddwa akakiiko; abagala okwesimbawo ba kusunsulwa ngennaku z’omwezi 10 ne 11 June.
Okunoonya akalulu kutandiike ngennaku zomwezi 12 okutuuka ng’ennaku z’omwezi 22 omwezi gwegumu ogwomukaaga.
Omulamuzi Byabakama alabudde abakwatibwako okulonda kuno bonna bagoberere amateeka g’ebyokulonda.#
