Police mu Kampala n’emiriraano ekutte abantu 4 ku bigambibwa nti balina kyebamanyi ku by’okumenya ekkanisa eyitibwa Just Believe Ministries eri ku kyalo Nkoowe mu gombolola ye Mende mu district ye Wakiso.
Abakwatiddwa police ye Ssekitooleko Ronald azze akwatibwa emirundi egiweera mu muze gwegumu, abalala ye Wejuri Ronald, Ssekajja Robert ne Nabakooza Fatumah.
Police etegeezezza nti abakwate baamenye ekkanisa nebabbamu ebintu omuli ebyuma ebibadde bikozesebwa mu kuteendereza n’ebintu ebirala bingi.
Police eyazizza ennyumba zebasulamu neezuulayo TV, ebyuma ebikasuka amaloboozi, entebe, emizindaalo, n’ebirala
Amyuka omwogezi wa police mu Kampala ne mirirano Luke Owesigire agambye nti okunoonyereza ku mbeera eno kuyagenda maaso, okuzula ebintu ebirala ebyabiddwa sso nga nabakwatte bakutwalibwa mu mbuga za mateeka bavunanibwe.#
