Kooti enkulu mu Kampala eyimirizza Ttabamiruka w’ekibiina ekigatta bannamateeka olwa Uganda Law Society (ULS) owa buli mwaka, abadde agenda okubaawo ku Saturday nga 18 October,2025 ku Imperial Resort Beach Hotel Entebbe.
Mu Ttabamiruka ono mwebabadde basuubira n’okulondera abakiise ba ULS ku kakiiko ka Judicial Service Commission.
Ekiragiro ekiyimiriza Ttabamiruka ono kiyisiddwa omulamuzi Bernard Namanya oluvannyuma lw’abamu ku ba memba ba ULS okuli Martha Nabijewa ne Tonny Tumukunde okuddukira mu kooti ng’agamba akakiiko akakulembera ULS tekajjudde, nga n’olwekyo tekalina bisaanyizo bitegeka Ttabamiruka oyo.
Bannamateeka abo bagamba nti Attorney General ne Solicitor General abatrekeddwa okukatuulako nga ssemateeka w’ekibiina bwalagira tebalondebwanga.
Ebiwandiiko ebyatwalibwa mu kooti, biraga nti president wa Uganda Law Society Isaac Ssemakadde ababiri abo yabagoba nga yakatuulamu ntebe mu 2024, ng’agamba nti bakozi ba government abaali balemesa akakiiko okwetengerera mu nkola y’emirimu.#
