Empewo ekukkiridde ku nnyanja mu bizinga by’e Buvuma ekereyezaamu abayizi okutandika ebibuuzo ku kizinga Bweema.
Abayizi abasiinze okutaataagana ba ssomero lya Bweema Seed School, era nga abayizi ebigezo babitandise kuyiseeko essaawa namba okuva ku ssaawa esatu zebaabadde balina okutandikirako.
Akulira eby’enjigiriza mu district ey’eBuvuma Hussein Bugembe agambye nti balina ebifo 4 abayizi webakolera ebibuuzo, ebifo bisatu bbyo bitandise mu budde.
Agambye nti ku somero lya Bweema Seed School ebibuuzo gyebitandiseemu ekikereezi nga kino kivudde ku nnyanja ebaddeko omuyaga, olwo ababadde batwaala ebibuuzo nga balina okusaabala empola ate nga n’ekizinga kino Kiri wala.
Bisakiddwa: Ssebwami Denis
