Club ya Villa Jogo Ssalongo yesozze omutendera gwa ttiimu 32 mu mpaka za Uganda Cup bwerumbye club ya Pallisa Hospital omwayo négikubirayo goolo 2-1.
Wadde Villa Jogo Ssalongo ewangudde omupiira guno, naye egumazeko n’abazannyi 10 bokka, oluvanyuma lwómukwasi wa goolo Jean Braddy Wokorach okufuna kaadi emyufu mu ddakiika eyókuna.
Abatebedde Villa Jogo Ssalongo goolo ezóbuwanguzi ye David Owori ne Aslam Ssemakula.
Club ya Nayo ekubye Obule Earthquake goolo 1-0 etebeddwa John Bosco Byaruhanga.
Club ya Police ekubye Mairye United goolo 3-0, Maroons ekubye Paidha United goolo 2-1, Lugazi ekubye Kisugu United goolo 2-1, URA ekubye Patongo United goolo 1-0, NEC ekubye Mabira TC goolo 2-0 ate nga Entebe UPPC ekubye Ombachi goolo 1-0 e Koboko.
Abalala abaayiseewo edda okugenda ku mutendera gwa ttiimu 32 ye Vipers, KCCA, Express mukwano gwabangi, UPDF, Mbarara City, BUL néndala.
Vipers yawangula empaka ezasembayo bweyakuba KCCA goolo 2-0 mu kisaawe kya FUFA ekya Kadiba.
Omuwanguzi w’empaka zino akiikirira Uganda mu mpaka za Africa eza CAF Confederations Cup.
Bisakiddwa: Isah Kimbugwe
