Ttiimu y’eggwanga ey’omupiira ogw’ebigere eya Uganda Cranes ekubye Botswana goolo 1-0 mu mpaka ez’okusunsulamu amawanga aganetaba mu kikopo ky’omupiira eky’ensi yonna 2026.
Omupiira guno guzannyiddwa mu kibuga Francistown ekya Botswana, era goolo ewadde Uganda Cranes obuwanguzi eteebeddwa Jude Ssemugabi mu ddakiika eya 54.
Wadde Uganda Cranes ewangudde omupiira guno, emikisa gyayo egyokukiika mu World Cup mitono ddala, oluvanyuma lwa Algeria okuwangula Somalia goolo 3-0.
Algeria eyiseewo okugenda mu World Cup mu kibinja G n’obubonero 22, wabula Uganda Cranes mu kifo eky’okubiri n’obubonero 18, ekyalinzeko okulaba oba nga efuna omukisa oguyita mu kasengejja akalala aka ttiimu 4.
Mu kibinja kye kimu Guinea erumbye Mozambique omwayo n’egikubirayo goolo 2-1.
Kati Uganda Cranes egenda kukomawo mu kisaawe okuzannya ne Algeria nga 14 omwezi guno ogwa October,2025.
Bisakiddwa: Isah Kimbugwe
