Parliament ya Uganda eyimirizza ministry y’ebyensimbi obutayisa biragiro biggya ku ntekateeka y’okuddaabiriza enguudo, ezirina okukolebwa ku kawumbi ka shs akamu akaweebwa buli district buli mwaka.
Parliamenr eyagala ministry esooke ereete enkola gyeyagoberera okussaawo enaimbi ezo akawumbi akamu akaweebwa buli district ne district ezakazifuna n’enguudo eziddaaniriziddwa.
Mu mbalirira y’omwaka gw’eby’ensimbi 2023-2024 government yayisa ensimbi akawumbi kalamba kawebwe buli district n’ebibuga okuddaabiriza enguudo.
Ensonga eno ereeteddwa omubaka wa Kassanda North Patrick Nsamba, ng’abadde abuuza ku by’esente akawumbi kalamba(1bn) akassibwawo okuddaabiriza enguudo mu buli district omulimu gwezikoze, ng’agamba nti enguudo mu district ezisinga obungi ziri mu mbeera mbi ddala kyokka nga bekikwatako tebafuddeeyo.
Omubaka Nsamba agamba nti ebiragiro bino ministry y’eby’emirimu nentambula byeyisa birimu emiwatwa mingi, naasaba parliament eveeyo ng’ekiwundu tekinnasamba ddagala, nti kubanga ssente mu bitundu ebisinga tezimala nga n’enguudo ezikolebwa oluusi ssi zeziba mu bwetaavu obusooka, nezimu teziba za mutindo.
Nampala wa government Denis Hamson Obua alaze obwennyamivu ku nsonga ministry eno kweyesigama ng’essaawo omuwendo gwa ssente eziddaabiriza enguudo.
Sipiika wa parliament Annet Anitah Among wano waasinzidde naabuza ababaka ekirina okukolebwa, okukkakana ng’abasinga bawagidde ebiragiro bino biyimirizibwe.
Bisakiddwa: Nabagereka Edith
