Abatuuze ku kyalo Butegana ku luguudo oluva e Buwenge okudda e Matuumu mu district ye Jinja baguddemu ekyekango, Loole No. UAT 313X ebadde edduka obuweewo bwebuseeko omupiira neguyiringita negukuba omwana nafiirawo.
Imugenzi Jonathan Bogere owe myaka 3, abadde ne bazaddebe nga batudde waka wabwe , omupiira gyegumusanze negumutomera.
Sentebe we kyalo Butegana Lumuli Peter agamba nti ebimmotoka byaayise ebivundu bingi ku luguudo luno, nalangira ne police y’okunguudo okulyanga enguzi nebabireka okukola.
Lumuli awanjagidde wofiisi y’akulira eby’ebyentambula ku nguudo mu kitundu kya Kiira Region mu Jinja, okusitukiramu ekome ku bakozi baayo balongoose mu mpeereza obubenje bakendeere.
Police ye Buwenge nesika Lorry negitwala ku kitebe kya police nga bweyigga deleeva atanategerekeka mannya, eyeemuludde n’abulawo.
Bisakiddwa: Kirabira Fred