Omuliro ogutannamanyika kweguvudde gusaanyizzaawo ebibanda by’embaawo ebiwerako n’ebyuuma ebizisala mu Ndeeba mu kibuga Kampala.
Omuliro guno ogukutte Embaawo mu Kasumba Zone gulabiddwa ku ssaawa Ttaano n’ekitundu mu Kiro ekikeesezza olwa leero nga 28 April,2025, kyokka abadduukirize gubalemye okukkakkanya, olw’Amaanyi gaagwo agabadde Amangi.
Guno sigwemulundi ogusoose nga ekifo kino kikwaata Omuliro.
Mu ngeri yeemu wabadde wakayita ennaku mbale, nga n’abasuubuzi abatunda ebyuma by’emmotoka ne pikipiki mu zone eriranyeewo nga nabo ebyabwe byakwata omuliro emmaali yabwe nesaanawo.
Denis Namuwooza Commissioner wa police mu kitongole ekizikiriza omuliro, ategezezza nti omuliro guno gubuubuuse nnyo negukwata business nnyingi, olw’embaawo ezimu ezibadde enkalu saako ebibanda by’amanda.
Agambye nti obutabaawo makubo galekebwa mu bifo ebirimu business ez’ekika ekyo, nakyo kibalemesezza okutuuka amangu ku bibanda ebimu .#
