Omubaka wa Kira Municipality Ibrahim Ssemujju Nganda atutte ekirowoozo mu kakiiko ka parliament akavunanyizibwa ku mbalirira y’eggwanga, kabeeko enkyukakyuka zekakola mu mbalirira y’eggwanga okufuna ezisasula Obwakabaka bwa Buganda zissibwe mu mbalirira y’eggwanga ey’omwaka ogujja 2025/2026
Obwakabaka bubanja government ensimbi eziri eyo mu buwumbi 500 eziva mu ttaka n’ebizimbe government byekozesa nga byabwakabaka
Mu mbalirira y’eggwanga eyomwaka gw’ebyensimbi ogujja 2025/2026, okuyita mu ministry y’amayumba nenkulaakulana y’ebibuga, govetment yataddemu obuwumbi 120 okuliyirira ababanja government wadde omuwendo n’ebitongole ebibanja government tebirambululwa.
Omubaka Ibrahim Ssemujju Nganda asinzidde mu nsisiinkano y’akakiiko ka parliament kano akavunanyizibwa ku mbalirira y’eggwanga, naagamba nti ensimbi z’okusasula Obwakabaka bweziba teziri mu mbalirira y’eggwanga mwetegefu okuyamba parliament, agirage werina okusala okufuna ensimbi ezisasula Obwakabaka.#
