Olwaleero ennaku z’omwezi ziri nga 01 May,2025 Uganda yeggasse ku nsi yonna okukuza olunaku lw’abakozi.
Ebikujjuko mu District ye Nakapiripiriti, wabula nga lutuukidde mu kiseera nga embeera y’omukozi mu Uganda ekyali nzibu.
Minister Omubeezi owa Bakozi era Omubaka omukyala owa District ye Nakapiripiriti Devaia Easther Anyakuni ategezeezza nti wakyaliwo okusomozebwa ku mbeera abakozi gyebakoleramu mu ggwanga omuli okutulugunyizibwa ku mirimu okuva ku bakozesa nga n’abamu bakubibwa.
Minister Anyakuni agumizza bannauganda nti government ekola kyonna ekisoboka okutereeza embeera y’abakozi mu ggwanga beyagalire ku mirimu omuli n’okunyweeza amateeka agakwata ku bakozi.
Olunaku lw’abakozi lujjidde mu kiseera ng’omukozi mu Uganda ayita mu kusoomozebwa okw’amaanyi bangi bali ku mirimu nga tebalina Ndagaano zibakakasa ku mirimu, okusasulwa ensimbi obuwujjo, emisolo egisukkiridde, okufunira ebisago ebyamaanyi ku mirimu wabula abakozeza nebatafaayo.
Bisakiddwa: Ssebuliba Julius
