Obwakabaka bwa Buganda bukungubagidde abadde Ssentebe w’ekibiina ky`olulimi Oluganda Fredrick Lukabwe Kisiriko, eyavudde mu bulamu bwensi mu gandaalo lya Ssekukkulu bweyali ava ku Batvalley theatre okulaba omuzannyo gwa Bakayimbira Dramactors.
Obubaka bw`Obwakabaka obusomeddwa Minister weby`enjigiriza, eby`obulamu, ofiisi ya Nnaabagereeka, era avunanyizibwa ku nkulakulana yabantu Bakabaka, Cotilda Nakate Kikomeko,Ku mukolo ogw`okuwerekera Fred Lukabwe Kisiriko ogubadde e Seeta Namulonge Busukuma mu Busiro mu district ye Wakiso.
Obwakabaka bwogedde ku mugenzi ng`omusajja ayagadde ennyo era akolerera Obwakabaka bwe obuteebalira.
Mu bubaka bwa ministry yekikula kyabantu nabakozi mu government eyawakati obusomeddwa, Hellen Grace Asamo minister Omubeezi avunanyizibwa ku baliko obulemu, bwogedde ku mugenzi nga mukama gwabadde yatonda nebitone ebyenjawulo ate naye byakozesezza obulungi.
Mu bubaka bwa Ssenkulu wa radio Cbs Omukungu Micheal Kawoya Mwebe, obwetikiddwa Godfrey Male Busulwa, atenderezza omugenzi olwengeri gyebadde ayagala olulimi oluganda, Obuwangwa n’ennono ye, era byabadde alwana obwezizingirire okukuumibwa mu ngeri eyenjawulo.
Abaana b`omugenzi nga bakulembeddwamu Nantumbwe Nelsa, ne Namitala Esther Racheal, bagambye nti kitabwe afudde bona abaweredde nebatikirwa ate nga abateeseteese ekimala.
Zawedde Rebecca omwana gweyakuza obukuza nga talina mwasirizi era namuwerera okutuuka ku University, agambye nti asaaliddwa nnyo kitaawe obutalaba ku bibala by’entuuyo ze, omuli n’obutetaba ku matikira ge agagenda okubeerawo mu march 2024.
Hajji Musa Juma Bossa Kisiriko asomye obubaka bwa minister wa Kampala Hajjat Minsa Kabanda Nabbengo, obwogedde ku mugenzi ng’akoze ekimala mu kulwanirira edembe ly’abantu abaliko obulemu mu Kampala.
Samuel Ssebowa Kaguliire ayodde ku lwa family, akalatidde abazadde okuteekateeka obulungi abaana babwe nga babatendeka obukozi, era nanokolayo eky`okulabirako kya Fred Lukabwe Kisiriko abadde yatekeebwa tekebwa obulungi, nti newankubadde abadde aliko obulemu naye ekyo kibadde tekimulemesa kwekolerera.
Harriet Namuli Lukabwe namwandu w`omugenzi, ye yebaziza buli Alina kyakoze mu bulamu bwa bbawe nga akyali mulamu, okuli Obwakabaka bwa Buganda, banadini, ministry ye yekikula kyabantu, nebanakatembe abatambudde naye okutuusa lwafudde.
Bisakiddwa: Musisi John