Obululu obw’ebibinja obw’empaka z’ensi yonna ez’omupiira ogw’ebigere eza FIFA World Cup ezigenda okubeerawo omwaka ogujja 2026, bukwatiddwa mu kiro kya nga 05 December025.
Omukolo guyindidde mu kibuga Washington DC mu USA mu kifo ekiyitibwa John F Kennedy Center.
Okukwata obululu buno kwetabidwako abakungu abenjawulo okubadde ba president b’amawanga 3 agagenda okutegeka empaka zino, okuli USA, Canada ne Mexico ne bannamupiira abalala bangi.
Amawanga 48 gegasengekeddwa mu bibinja 12 nga buli kibinja kiteredwamu amawanga 4.
Okukwata obululu buno kukulembeddwamu eyaliko omuzannyi wa Manchester United era omungereza Rio Ferdinand.
Ekibinja A mulimu abategesi aba Mexico, South Africa, South Korea ne ttiimu endala enayitawo mu kasengejja.
Ekibinja B mulimu abategesi aba Canada, Switzerland, Qatar ne ttiimu endala enayitawo mu kasengejja.
Ekibinja C mulimu Brazil, Morocco, Haiti ne Scotland.
Ekibinja D mulimu abategesi aba USA, Australia ne Paraguay ne ttiimu endala enayitawo mu kasengejja.
Ekibinja E mulimu Germany, Ecuador, Ivory Coast ne Curacao.
Ekibinja F mulimu Budaaki, Japan, Tunisia ne ttiimu endala enayitawo mu kasengejja.
Ekibinja G mulimu Belgium, Iran, Misiri ne New Zealand.
Ekibinja H mulimu Spain, Uruguay, Saudi Arabia ne Cape Verde.
Kibinja I mulimu France, Seengal, Norway ne ttiimu endala enayitawo mu kasengejja.
Ekibinja J mulimu bannantameggwa b’empaka ezasembayo mu 2022 aba Argentina, Austria, Algeria ne Jordan.
Ekibinja K mulimu Portugal, Colombia, Uzbekistan ne ttiimu endala enayitawo mu kasengejja.
Ekibinja L mulimu Bungereza, Croatia, Panama ne Ghana.
Empaka zino zigenda kuzannyibwa okuva nga 11 June, okutuuka nga 19 July omwaka ogujja 2026.
Bisakiddwa: Isah Kimbugwe
