Omuddusi ku mutendera gw’ensi yonna munnauganda Jacob Kiplimo, ayongedde okukola ebyafaayo mu muzannyo gw’emisinde bwataddewo likoda empya ey’ensi yonna oluvanyuma lw’okuwangula emisinde gya Lisbon Half Marathon 2026.
Jacob Kiplimo okuwangula emisinde gino agiddukidde edakiika 57 ne seconds 20, olwo natekawo record ey’okudduka emisinde gya Half Marathon obudde obukyasinze okubeera obutono ddala.
Kiplimo amenye record ya munnansi wa Ethiopia, Yomif Kejelcha gye yatekawo mu 2024 e Valencia, nga seconds 10 ze ziwanguzza Jacob Kiplimo record eno.
Wabula Jacob Kiplimo yali yasooka okumenya record eno mu 2021, nga yali ya dakiika 57 ne seconds 31.
Munnansi wa Kenya Nicholas Kipkoriri akutte kyakubiri mu misinde gya Lisbon Half Marathon n’edakiika 58 ne seconds 18, ate era munna Kenya Gilbert Kiprotich akutte kyakusatu n’edakiika 58 ne seconds 59.
Kinnajjukirwa nti Jacob Kiplimo omwaka oguwedde 2025 e Barcelona, yadduka emisinde gya Half Marathon, edakiika 56 ne seconds 42, kyokka emisinde gino tegyabalibwa abatwala emisinde munsi yonna olw’ebisanyizo byajo ebyali bibulamu.
Bisakiddwa:Isah Kimbugwe
