Obwakabaka bwa Buganda bukungubagidde abadde munnabyanjigiriza omugundiivu omugenzi Kits Kayizzi, era nebusiima omulimu gwakoze mu kugunjula abaana b’eggwanga.
Omugenzi Kits Kayizzi yaffa ku lwakutaano oluyise oluvanyuma lw`okulwalira akaseera, aziikiddwa e Seguku mu district ye Wakiso.
Omugenzi abadde musomesa era abantu abagundiivu bangi abaayitaako mu mikono gye.
Akulidde amasomero agenjawulo era wafiiridde y’abadde akulira Olukiiko olutekeratekera amasomero ga Our Lady Of Africa Schools.
Minister wa Buganda ow’obuwangwa n’ennono, eby`obulambuzi, Embiri, Amasiro, olulimi oluganda n`okunoonyereza Owek David Kiwalabye Male nga yomu kubaasomesebwako omugenzi ono, amutenderezza olw`okwagala Obwakabaka bwe, n’ekika kye.
Omulabiriizi we Mityana kitaffe Mukatono James Bukomeko Ssaalongo, omugenzi amwogeddeko nti abadde kyakulabirako kirungi, bwatyo nasaba abazadde okuyigiriza abaana babwe empisa n’ennono zabwe basobole okuyita mu nsi nga balambikiddwa.
Omugenzi Kits Kayizzi ye mukuza w`Omukungu Robert Kasozi, akulira entambuza y’e mirimu ku radio ya Kabaka CBS, era omugenzi gw’alaamidde okuyambako omusika okutambuza obuvunanyizibwa obumukwasiddwa.
Bisakiddwa: Musisi John
