Government ewaddeyo emmotoka 100 ne pikipiki 1000 eri abakulira eby’obulimi mu district zonna okwetoloola eggwanga, ekigendererwa kyakutumbula eby’obulimi mu bitundu byabwe.
Ebidduka bino biweereddwayo ministry y’ebyobulimi,obulunzi n’obuvubi, okuyita mu nteekateeka ya Uganda Climate Smart Agricultural Transformation project, okwanguyizaako abalimisa okutuuka ku balimi bonna, basobole okubaluηamya mu by’ennima ey’omulembe.
Ba ssentebe ba LC5, ababaka ba President, ba DISO, ne bakansala bebavunaanyizibwa okulondoola ebidduka bino bisobole okukozesebwa obulungi okusitula eby’obulimi.
Omumyuka wa President Rt.Maj.Jesca Alupo yabibakwasizza ku mukolo ogubadde ku kisaawe e Kololo.
Alabudde abakulembeze mu government ez’ebitundu, okukozesa ebidduka bino emirimu gya government gyokka okwewala okufuna obuzibu.
Minister w’ebyobulimu n’obulunzi Frank Tumwebaze asinzidde ku mukolo gwegumu ne yebaza banka y’ensi yonna evugiridde enteekateeka eno, nasaba abakulembeze okukola emirimu obulungi giveemu ebibala.#
