Government eraalise bannauganda nti ebbeeyi y’amafuta yakulinnya mu mwezi gwa May 2026, kyokka nerabula abatandise okugakweka nebapaaza emiwendo.
Bino bijjidde mu kiseera ng’abantu bakaaba olw’ebbeeyi y’amafuta eyekanamye, nga ku masundiro agamu liita etundibwa wakati wa shs 5400 ku 8000 , songa naagamu ennaku ezimu gaggalawo olw’amafuta okugagwako.
Minister w’amasnyalaze n’obyobugagga eby,omutaka Dr. Canon Ruth Nankabirwa Ssentamu asinzidde abadde ayogerako eri bannamawulire, naategeaza nti nga government basuubira omwezi ogwokutaano ebbeeyi y’amafuta nga kiva kunkyukakyuka ku katale k’ensi yonna.
Minister Nankabirwa ategezezza nti Uganda mu kiseera kino ekyalina amafuta agamala mu materekero ,wabula nti waliwo amasundiro agagakweka negawanika emiwendo ,era alabudde nti bano government yakubatekako omukono ogwekyuuma.
Ebyo nga bili bityo abagoba ba bassi balangiridde nga bwebongezza ebisale by’entambula ku ηηendo empanvu mu bitundu bye ggwanga ebitali bimu.
Eηηendo ezimu zongeddwamu shillings 5000, 10,000 ne 25000 okuva ku bbeey kwezibadde, ng’ekizibu kiva ku beeyi y’amafuta eyekanamye
Solomon Nsimiire akulira ekibiina ki Uganda Bus owners Association agambye nti basazeewo okwongeza emiwendo olw’okusoberwa kw’ebbeeyi y’amafuta eyekanamye.
Ebbeeyi y’amafuta yatandika okulinnya emyaka esatu egiyise ng’olutalo lwa Russia ne Ukraine lwakabalukawo negalinnya okutuuka mu 5000 n’okudda waggulu okuva olwo gabadde gesalako ensimbi ntono.
Kati gazzeemu okulinnya okuva ku nkomerero ya February,2026 America ne Israel bwebaalumbye Iran.
Emirimu egiwerako gyaziηamya, ennyonyi neziyimirira okumala ennaku mu mawanga Middle East, saako okuggala akagolomolo ke Hormuz ewayita ennyo emmeeri ezitambuza amafuta agagenda mu mawanga agenjawulo.
Bisakiddwa: Ssebuliba Julius
