Gavument ya Uganda eriko ennyingo eziwerako zeggye mu bbago lyeteeka lyeyagala okuyitamu nti okunyweeza obwetengereze bw’eggwanga erya the protection of sovereignty bill 2026.
Ennoongosereza zino zikoleddwa mu nsisiinkano etudde ku parliament eyetabiddwamu Ssaabawolereza wa government Kiryoowa Kiwanuka,minister omubeezi ow’ensonga zomunda mu ggwanga Gen David Muhoozi, ababaka ba parliament abatuula ku bukiiko obubiri obwetegereza ebbago lino; okuli akalondoola ensonga zomunda mu ggwanga n’ebyokwerinda, nakalala akalondoola eby’amateeka
Ssabawolereza wa government Kiryoowa Kiwanuka abuulidde akakiiko Kano nti oluvanyuma lw’okuwuliriza ebirowoozo bya bannansi government yasazeewo ebeeko byekyuusa mu bbago lino.
Minister omubeezi ow’ensonga zomunda mu ggwanga Gen. David Muhoozi anyonyodde ennyingo ku ezikyuusiddwa nga zino kuliko:
-Ennyingo eyali efuula bannauganda abawangaalira mu mawanga amalala abagwira.
-Ebitongole okuli bank, ebitongole by’obwannakyeewa ebiwandiise mu ggwanga mu mateeka, obukulembeze obw’ennono, enzikiriza nebirala ebyali biteereddwako ekkomo ku nsimbi zebirina okufuna okuva ebweru, ennyingo eyo nayo esiimuddwamu.
– Ebitongole ebineewandiisanga bikayungirizi oba bi agent by’abagwira nga byebitambuza endowooza n’enteeteeka z’abagwira, byebijja okukwatibwa etteeka lino
-Okuyingiza mu ggwanga ensimbi ezisoba obukadde 400 omwaka, ekyaali ekyokubuwaze okusooka okufuna olukusa okuva eri minister w’ensonga zomunda mu ggwanga nakyo kijjiddwa mu tteeka lino.
-Ebitongole n’abantu kinoomu abanafunanga ensimbi ezo okuva ebweru weggwanga bakutegeezanga butegeeza ku minister Sso SSI kusaba lukusa nga bwekyali kirambikiddwa mukusooka.
