GO
Omuteesiteesi omukulu mu ministry y’ebyempuliziganya n’okuluηamya eggwanga Dr, Aminah Zawedde, asinzidde ku Ssengejjero lya gavumenti eryamawulire erya Media Center, nategeeza nti gavumenti tenawako kiragiro kyonna eky’okuggyayko amayengo ga Internet mu biseera by’okukuba akalulu ka bonna nga 15 January,2026.
Dr Amina Zawedde era Agamba nti tebayinza kugyako internet kubanga bakimanyi bulungi nti bannansi balina eddembe okukolera ku internet, era ekolerwako ebintu bingi ebigasa eggwanga ne bannansi kinnoomu.
Wabula abasabye obutatambuza mawulire gabulimba oba ago agakuma omuliro mu bantu, ku lw’obulungi bw’eggwanga.
Ssenkulu wekitongole ekiruηamya ebyempuliziganya mu ggwanga ekya Uganda Communications Commission UCC, George William Nyombi Thembo, asinzidde wanno naalabula emikutu gyamawuliire egitambuza amawulire ag`obulimba nti gyakukangavvulwa.
Nnyombi Thembo alabudde n’abantu abateekateeka okweyambisa App eziriko okusaasaanya obulimba nti beddeko.
Mu kulonda kwa 2021 waaliwo okutaataaganyizibwa mu mpeereza ya Internet okwetoloola eggwanga lyonna, ekireseewo okutya nti ne ku mulundi guno mu kalulu ka 2026embeera eno esobola okuddamu, ekireetedde abamu ku bannauganda okutandika okwesalira amagezi ag’okusigala nga bagoberera ebigenda mu maaso, singa internet ebeera egyiddwako.
