Government ya Uganda eyongedde okumyumyula etteeka erikugira abawozi ba ssente okubowa endagamuntu zabanna Uganda ababeewolako ssente.
Mu alipoota eyanjuddwa eri parliament, minister omubeezi ow’ensonga ez’omunda Gen David Muhoozi ekakasizza nti okubowa endaga-muntu musango gwennyini oguliko ekibonerezo ky’okusibwa mu kkomera emyaka egitasukka esatu, okuliwa ensimbi obukadde 96 oba okusazaamu Licence y’oyo awola ensimbi.
Alipoota ekinogaanyizza nti ddembe lya bwebange buli munna Uganda okubeera n’endagamuntu, okulaga obutuuzebwe n’okumuyamba okufuna obuweereza bwa government, okutambula n’ebirala.
Mu alipoota eraze nti okumalawo omuze guno, bategese okwongera okusomesa bannansi ku ddembe lyabwe ery’okubeera n’endagamuntu wamu n’okuleeta endagamuntu y’okumutimbagano (e-ID) etali nnyangu yakuboyebwa.
Banna Uganda bangi bazze bekubira enduulu nti abawozi ba ssente bangi babowa endagamuntu zaabwe ng’omusingo gw’okubawola ssente, olwo nebalemererwa okufuna obuweereza obulala obwetaaga endagamuntu y’eggwanga.#
