Government ya Uganda etadde obukwakulizo obwamaanyi ku byuma bikalimagezi ebya kampuni ya starlink ebikozesa tekinologiya owekika ekya waggulu mu byempuliziganya, okubiyingiza eggwanga olina kusooka kufuna lukusa.
Abetaaga okuyingiza ebyuuma bino mu ggwanga olukusa balina kulufuna okuva eri omudduumizi w’amaggye ga UPDF, era ekigongole ky’emisolo olukusa olwo lukyeggyeko, okusobozesa ab’ebyokwerinda okulondoola ebyuma ebyo.
Ebyuuma ebyogerwako kuliko satellites, dish antennas,power supply ,wi-fi routers and Ground stations nga bikozesebwa mu byempuliziganya, amayengo ga Internet n’ebirala.
Ebyuma bya StarLink technology gwebikozesa wawaggulu ayungiddwa ku Satelite, nti Internet nebweeba ejjiddwako, bbyo bisigala bikola.
Kampuni ya Starlink ekola ebyuma bino, ng’ekola n’essimu , ttabi lya kampuni ya Space X eddukanya omukutu gwa Twiiter eya nnagagga womu America Eron Mask.
Ebitongole ki URA mu kiwandiiko kyekiwadde abakozi baakyo bonna abavunanyibwa ku bintu ebiyingira eggwanga ku nsalo nekisaawe kyennyonyi e Entebbe, abamanyiddwanga b customs Staffs, kiragidde abakozi bano obutaddamu kukkiriza byuuma ebyo okuyingira eggwanga okugyako nga ababireeta balina olukusa okuva eri omudduumizi w’amaggye g’eggwanga.
Ekiwandiiko ekitereddwako omukono Asadu Kigozi Kisitu Director mu kitongole ki URA, alangidde abakozi ba URA okussa ekiragiro kino mu nkola era kitandikirewo.
Government mu ngeri gyegamba nti egendereramu okunyweeeza ebyokwerinda, eze eriko obukwakkulizo bwetteeka ku bintu ebimu nenkozesa yaabyo naddala ebyo ebiva ebweru w’eggwanga.
Eky’okulabirako, Amaggye geddiza obuyinza bwokugaba olukusa lw’okubuusa n’okuyingiza mu ggwanga obunyonyi obumanyiddwanga bu drones, obukwaatira ebifanaanyi mu bbanga naddala mu bifo ebyenkizo, nga enkambi zamaggye ,ekisaawe kyennyonyi, amakuumiro g’ebisolo byomunsiko, amaka gobwa president nebifo ebirala.#
