Ekibiina ekiddukanya omupiira mu Uganda ekya FUFA, kiragidde club ya Villa Jogo Ssalongo okusasula engassi ya nsimbi akakadde kamu, olw’ebikolwa ebyefujjo abawagizi ba club eno lye bakola mu Uganda Premier League.
FUFA evunaana abawagizi ba club ya Villa Jogo Ssalongo okukola effujjo mu kisaawe ku mupiira, club yabwe bweyali ettunka ne Vipers nga 15 April,2026.
Omupiira guno ogwazannyibwa mu kisaawe kya FUFA ekya Kadiba, ttiimu zino zalemagana goolo 1-1.
Ku mupiira guno ne president wa Villa Jogo Ssalongo, Hajji Omar Ahmed Mandela, yalabwako ng’agezaako okukkakkanya abawagizi ba Villa Jogo Ssalongo abaali batandise n’okukasuka ebintu mu kisaawe.
Bisakiddwa: Isah Kimbugwe
