Kooti enkulu mu Kampala ekalize Musa Musaasizi mu nkomyo yebakeyo emuama 134 n’emyezi 21, oluvannyuma lw’okusingizibwa omusango gw’okutta abawala 5.
Obujulizi bulaze nti Musaasizi myaka 25 abadde musuubuzi mu katale ka Kisekka era nga bweyali akyali muto y’omu ku baana abaasulanga ku nguudo.
Musa Musaasizi abadde abeera ku kyaloMujomba zone 6 Nakulabye mu gombolola y’e Lubaga mu Kampala, alina omukyala n’omwana omu wamyaka 6,
Abawala 5 beyatta, yasookanga kubaganza oluvamnyuma n’abatta era nga bonna yabattira mu bbanga lya mwezi 9.
Musaasizi avunaanibwa okutta Mackline Ahereza mu 2021, gweyatta oluvannyuma lw’okumusaba sente atandikewo business, era nti omulambo yagusiba ku bodaboda n’agusuula mu bitundu bye Nateete.
Owa bodaboda Kasagga Abudi eyavuga omulambo asaliddwa okusibwa emyaka 4.
Musaasizi era yatta Violet Kansiime gweyaggya mu bakadde be n’omwana we eyali ow’emyezi 3, ng’amulimbyelimbye nti agenda kumuwasa amulabirire n’omwaba we oyo Abigail Nakitende, wabula olw’abatuusa ewuwe bombi n’abatta emirambo gyabwe n’agisuula e Nakulabye.
Musaasizi era avunaanibwa okutta Nourine Nabirye ne Elizabeth Muteesi, nga kwotadde n’okubookya.
Essimu y’omuwala Ahereza eyali kika kya Nokia, omutemu gyeyali aguzizza omuntu omulala yeyakwasa Musaasizi nga 21 March,2021, gyeyakkiriza emisango gy’obutemu n’obubbi.
Oluvannyuma yalagirira police mu bifo gyesuula emirambo n’ebintu ebirala byeyabasanganga nabyo omwali obusawo obwomungalo,obuleega,engatto n’ebirala.
Bisakiddwa: Betty Zziwa